او بلوچستان تئ دوری منء بے واک کننت

او بلوچستان تئ دوری منء بے واک کننت

بے اجامی زھیر بندانت سینگا چاک چاک کننت

 

سرومگین کوہ و ھساران نقشنت یک یک مئے دلا

پہ ھمے یادان زرانان روچ و شپ من چہ گلا

ا‎‎ۓ تئی اِشکنت منا بلبلی گویاک کننت

 

پراھگین آزمانا کہ جڑ بندانت تئ

ڈھل و چاپ و زیملان گون کہ سرا گرندانت تئی

گوارگان مھرء کتابا مئے دلا تاک تاک کننت

 

او منی دوستان زرۓ چولانی ما باھوٹ بئین

شے مریدۓ عشقء بیارین پہ وطن ما لوٹ بئین

پہ وتی حقء یلان کمبری بے باک کننت

 

گشتگان دراھین جھانا ھرچ تک و ھرچ شما

من ندیست دگنیاھا تئ رنگ و تئ دروشما

بندگء زردء ھیالان بارین کدی واناک کننت

بے اجامی زھیر بندنت سینگا چاک چاک کننت